إنت مش مننا - قصيدة بالعامية المصرية للشاعر : عاطف على عبد الحافظ - مصر
إنت مش مننا - قصيدة بالعامية المصرية للشاعر : عاطف على عبد الحافظ
لمّا تكفّر أخوك و جارك
لمّا تبيع أرضك ودارك
لمّا تفصـل بينّا وبينك
وتقول إن إحنا غيرك
لمّا تخدعنا وتكدب علينا
وتبيعنا برخــص التـراب
لمّا تحرمنا من أحلامنــا
وتحول بلادنا خــــــراب
تبقى أنت إيـــــــه
ونبقى إحنـــا مين
*****
لمّا تخدع ولادنــــا
وترفع شعار الدين
لمّا تقسّمنا طوائف
إخوان وناس تانيين
لمَّا تقول ع الصهاينه حبايبك
وتبيــــــع القدس ليهم
لمّا يكون الأمريكان صحـابك
وبتمشى ورا خطاويهم
تبقى أنت إيــــه
ونبقى احنا مين
*****
لمّا تقتل وتسحل جنودنـــــا
أطهر وأنبل شباب
لمّا تفتح للمجرمين حدودنا
مــــأوى للإ رهاب
تبقى أنت إيـــــــه
إنت إرهـابى لعين
لا تعرف الوطنيـه
ولا تفهم فى الدين
تبقى مش مننـــــا
ولا من جنسنـــــا
إنت طينــــــه تانيـــــه
غير طينة البنى آدمين
==========
هذا الموضوع قابل للنسخ .. يمكنك نسخ أى رابط من تلك الروابط الثلاثة ولصقه بصفحاتك على المواقع الإجتماعية أو بموقعك
URL: HTML link code: BB (forum) link code:
